Bordi Mbikëqyrës

Bordi Mbikëqyrës është organ i pavarur i Agjencisë Kosovare për Krahasim dhe Verifikim të Pronës (AKKVP), i cili mbikëqyr punën dhe veprimtarinë e Agjencisë, si dhe ofron udhëzime lidhur me politikat dhe orientimin e saj të përgjithshme.

Bordi nuk merr pjesë në procesin përmes të cilit Komisioni i miraton vendimet për kërkesat apo rastet individuale.

Bordi përbëhet prej pesë (5) anëtarëve. Dy (2) anëtarë emërohen nga Kuvendi i Republikës së Kosovës, sipas propozimit nga Kryeministri, ndërsa tre (3) anëtarë emërohen nga Përfaqësuesi Special i Bashkimit Evropian (PSBE), në pajtim me legjislacionin në fuqi. Kryesuesi i Bordit zgjidhet nga anëtarët e Bordit.

Drejtori/ja i/e Sekretarisë Ekzekutive e përfaqëson Sekretarinë Ekzekutive para Bordit, ndërsa Sekretaria Ekzekutive i ofron Bordit shërbime administrative në ushtrimin e funksioneve të tij.