Republika e Kosovës · Republika Kosovo · Republic of Kosovo
Formalizimi synon njohjen ligjore të të drejtave pronësore të pakontestuara dhe legjitime, të bartura përmes transaksioneve joformale, në përputhje me kushtet dhe procedurat e përcaktuara me ligj.
Afati për paraqitjen e kërkesave të reja ka përfunduar.
AKKVP
Në përputhje me mandatin dhe kornizën ligjore në fuqi, shqyrton kërkesat për njohjen ligjore të të drejtave pronësore të pakontestuara dhe legjitime, të bartura përmes transaksioneve joformale para 24 marsit 1999.
Kërkoni publikimin e kërkesës tuaj të informalitetit
Rruga e kërkesës
Nga paraqitja e kërkesës deri te vendimi, çdo kërkesë kalon nëpër pesë hapa të përcaktuar me ligj.
Pranimi dhe regjistrimi i kërkesave për njohje ligjore dhe formalizim të të drejtave pronësore, së bashku me dokumentacionin mbështetës.
Përfunduar më 26 janar 2026
Kërkesat e pranuara publikohen në listat zyrtare, që çdo palë e interesuar të ketë mundësi t’i shohë dhe të përgjigjet brenda afatit ligjor.
Palët njoftohen për kërkesën përmes procedurave zyrtare të njoftimit, përfshirë njoftimin përmes publikimit kur kjo parashihet me ligj.
Sekretaria Ekzekutive verifikon dokumentacionin, mbledh provat e nevojshme dhe e përgatit lëndën për vendimmarrje nga Komisioni.
Komisioni vendos për kërkesën. Vendimi u komunikohet palëve, të cilat kanë të drejtë ankese në Gjykatën Supreme brenda afatit ligjor.
AKKVP është në proces të publikimit, njoftimit dhe verifikimit të kërkesave të pranuara.
Kërkesa të pranuara20.028
Kërkesa të pranuara për njohjen ligjore të të drejtave pronësore të bartura përmes transaksioneve joformale para 24 marsit 1999.
Lajmet, aktivitetet dhe zhvillimet më të fundit nga Agjencia.
Agjencia Kosovare për Krahasim dhe Verifikim të Pronës (AKKVP), e përfaqësuar nga znj. Afërdita Beka Arifaj, Drejtore Ekzekutive, dhe Agjencia Kadastrale e Kosovës (AKK), e përfaqësuar nga z. Faik Kelmendi, Ushtrues Detyre i Drejtorit Ekzekutiv, nënshkruan Memorandumin e Bashkëpunimit, me qëllim të mbështetjes së zbatimit të mandatit ligjor të AKKVP-së dhe forcimit të bashkëpunimit ndërinstitucional. […]
Përgjigje për pyetjet më të shpeshta lidhur me rolin, kompetencat dhe proceset e AKKVP-së.
Formalizimi i të drejtave pronësore është procesi përmes të cilit shqyrtohen dhe njihen ligjërisht të drejtat pronësore mbi pronat e paluajtshme, të cilat janë bartur në mënyrë joformale para 24 marsit 1999, për shkak të legjislacionit diskriminues ose mungesës së dokumenteve të nevojshme për regjistrim në kadastër.
Procesi i krahasimit dhe verifikimit të pronës nënkupton krahasimin dhe verifikimin të dokumenteve kadastrale origjinale të para qershorit 1999, të cilat janë marrë në Kosovë nga autoritetet serbe, me dokumentet kadastrale aktuale në Republikën e Kosovës, me qëllim të identifikimit dhe zgjidhjes së zbrazëtive dhe mospërputhshmërive që lidhen me pronat private, pronat private komerciale dhe pronat e bashkësive fetare.
Në lidhje me kërkesën për formalizimin e të drejtave pronësore vendos Komisioni për Kërkesa Pronësore (KKP), si organ i pavarur i AKKVP-së. AKKVP është përgjegjëse për përgatitjen e kërkesës për shqyrtim dhe vendimmarrje nga Komisioni, në përputhje me legjislacionin në fuqi.
Për të marrë informata lidhur me statusin e kërkesës suaj, vizitoni kërkimin e kërkesave duke shënuar numrin e kërkesës dhe të dhënat përkatëse.
